Environmental Management Bureau sang Negros Island Region ang nag deny sang hinyo sang Hacienda Asia Plantations, Inc nga pag lift sang cease and desist order nga gin papanaog sa mga earth moving activities sang ila kumbuyuhan sa banwa sang Candoni.
Wala labot sini gin-deny man sang EMB ang request sang HAPI nga mag proceed sa construction sang 5 hectare oil palm nursery sini sa sulod sang duta nga sakop sang IFMA ukon Integrated Forest Management Agreement.
Suno kay Vicente Losbañes, ang OIC sang EMB NIR ang Environmental Compliance Certificate application sang HAPI ang yara pa lamang sa initial phase.
Ang pag file sang application wala naga grant sang permission sa pag proceed sa project implementation, bisan pa nga ang proposed area na limit lamang sa lima ka ektariya.
Dugang pa ni Losbanes naga pabilin ang CDO nga gin papanaog sang EMB VI sadtong Hunyo 5, kag maga pabilin ini tubtob nga ma revoke ukon ma lift kag ang gina hinyo nga ECC ang tigayon na nga makuha sang HAPI.
Suno kay Losbañes, wala man maka comply ang HAPI sa mga kondisyon sa CDO kaangay na lamang sang
pagbutang sang siltation pond nga ila ginkasugtan sa technical conference nga gin patigayon.
Isa man sa gina pa submit sa HAPI suno kay Losbañes amo ang proposed amended Comprehensive Development and Management Plan for review kag approval sang DENR.
“Monday to gin pa receive ko sa ila ang denial letter, gin meeting ko sila, siling nila ang siltation pond is inapplicable. Ila na nga hambal nga indi applicable ang siltation pond. Ang akon didto gin hambal sa ila so kun indi applicable ang siltation pond ano ang inyo nga plano based with experience sa other projects nyo, sa other provinces or other regions nga projects ninyo with regards sa ina nga implementation. Wala pa sila kuno plano kun ano ang magiging plano nila. So siling ko ma submit sila sang ila nga plano and evaluate namon basi pwede namon ma lift ang CDO kun ma comply nila ang condition sang aton nga CDO”, suno kay Losbañes.