Elevator sang BCGC indi pa magamit matapos nagmalfunction sang nagligad nga Biyernes.
Indi anay magamit ang elevator system sang Bacolod City Government Center matapos nag-malfunction ini sang nagligad nga Biyernes.
Suno kay Dondon Parrandas, ang Safety Officer sang Office of the Building Administrator, naguba ang panel board sang elevator amo nga kinahanglan ini maislan.
Sang nag-malfunction ang elevator, duha ka mga empleyado sang media firm ang na-trap kag tigayon man nga na-rescue sang mga utility workers sang BCGC.
Maka-duha na ini ka beses nga nagbisyo ang elevator system.
Ginsiling ni Parrandas nga equipped ang elevator system sang safety device agud nga mabuligan kag mas mahapos ma-rescue ang mga pasahero sa tion nga magka-diperensya.
Gani wala man sang kahangaw-an sa tion nga mangin operational na liwat ang elevator system sa BCGC.
Ginpahayag man ni Engr. Amy Tentia ang building administrator sang BCGC nga regular ang ila pag-check-up kag ang maintenance sang elevator.