Ang 2025, election of possibility.
Ini ang pag pati ni anay COA Commissioner kag karon senatoriable nga si Heidi Mendoza.
Si Mendoza nga naga papili bilang independent candidate ang yara sa Bacolod kaina para sa iya nga campaign sortie.
Gin-ako niya nga ang mga independent candidates lubong kun ipaanggid sa mga tarpaulin kag mga billboard kasubong man campaign ads sang mga naga papili nga yara sa partido.
Pero may yara siya sang gina lantaw nga pag kambyo sa political landscape sa dalagan sang sitwasyon sa pungsod karon.
Wala man siya naga lusot sa mga survey, suno kay Mendoza wala siya nagakadulaan sang paglaum sa pagtanyag sa mga Pilipino sang iya nga igkasarang.
Kabahin sa iya nga iga duso kun mangin mapalaron sa senado ang pending nga Financial Management Act nga naga lakip sang budget preparations.
Ang budget sang pungsod sa karon iya ginlaragway nga budget nga pang eleksyon.
Gani kinahanglan nga may yara sang oversight angut diri.
Gintib-ong ni anay Governor Rafael Lito Coscolluela ang kandidatura ni Mendoza nga nagsiling nga ang record sang anay COA Commissioner ang naga pakita sang iya nga competence, integrity kag courage.