EIBee tandem sa 2025 sa tunga ni Mayor Albee Benitez kag Vice-Mayor El Cid Familiaran ang nagalapta sa social media.
Nalapta karon sa mga social media pages ang litrato nanday Bacolod City Mayor Albee Benitez kag Vice-Mayor El Cid Familiaran ukon ElBee tandem sa 2025.
Ginsiling ni Familaran nga karon nagaserbe nga acting mayor sang siudad nga indi sa iya gikan ang mga litrato kundi sa mga supporters nila.
Ginklaro niya nga asta karon wala sang offer gikan sa alkalde para mangin ka-tandem niya sa pinili-ay.
Wala pa ginpat-ud ni Familiaran ang iya desisyon bahin sa iya mga options sa election.
Ginpahayag naman ni Barangay Singcang-Airport Punong Barangay Atty. Caesar Distrito, spokesperson ni Mayor Albee nga indi matuod ang mga hinuring-huring nga naka-desisyon na alkalde.
Ini bangud asta karon nagahulat sila sa mangin announcement sang alkalde kun ini ang magapa-re-elect sa pagka-alkalde, mag-switch sang position kay Congressman Greg Gasataya, magbaton sang cabinet position ukon magpapili sa pagka-Senador ukon magpahuway sa pulitika.
Ang alkalde ang yara karon sa Thailand upod sa mga konsehal kag department heads para sa ginpatgayon nga budget deliberation kun diin upod man si Congressman Greg Gasataya.