Gin deklarar na sang PAGASA ang pagsugod sang El Nino Phenomenon sa Tropical Pacific kag ang epekto sini ang gina paabot naman sa Pilipinas.
Sa press briefing nga gin patigayon kaina, ginsiling man sang PAGASA nga gin-upgrade na nila ang ila nga warning status giikan sa El Nino Alert padulong sa El Nino Advisory.
Sa karon suno sa PAGASA mahina pa ang El Nino pero makit-an ang mga sinyales nga ini ang magakusog sa masunod nga mga binulan.
Ang El Nino nagakasayuran sang abnormal warming sang sea surface temperature sa central kag eastern equatorial Pacific Ocean kasubong man below normal nga pag-ulan.
Bangud sang El Nino, suno kay Annalisa Solis nga chief sang PAGASA climate monitoring and prediction section, as of June 30, na eksperiensyahan na ang dry spell sa Apayao, Cagayan kag Kalinga.
Ang dry spell nagatumod sa tatlo ka sunod-sunod nga bulan kun sa diin ang pag-ulan nagnubo sa 21 tubtob 60 percent, ukon duha ka sunod-sunod nga bulan nga may masobra sa 60% nga rainfall reductions, kun ipaanggid sa average nga rainfall.