Mga pool legends nga sanday Efren “The Magician” Reyes kag Francisco Django Bustamante ang lunsay nagkalapierde sa 10-ball tournament sang MassKaralympics.
Wala na maka-arangkada sa quarterfinals ang mga pinoy pool legends nga sanday Reyes kag Bustamante sang ginlutos sang mga local cue masters sa MassKaralympics 10-ball Tournament sa Ayala Malls Capitol Central.
Ang Bacolodnon nga si Nil Juson ang nangin madinalag-on sa iya nga comeback win kontra sa ginakabig greatest of all time nga si Reyes sa score nga 8-7.
Napaslawan man si Bustamante sang mapierde kay Miguel Salvilla sang Davao sa score nga 8-5.
Pati ang social media sensation kag pool prodigy nga si Jaybee Sucal ang napaslawan makatapak sa finals.
Samtang, gin-dominate naman sang University of Santo Tomas Tiger Sands ang beach volleyball tournament sa USLS Sandbox.
Ang UST ang nangin kampeon sa men’s kag women’s open category.
Ang MassKaralympics kabahin sa mga tuigan nga MassKara Festival kun diin masobra sa 7,800 ka mga atleta ang nag-compete sa 19 tanan ka mga sports events.