Nadayon sang Abril 27 ang public consultation sa Silay City nga gin pamunuan sang Environmental Management Bureau angut sa Negros Bulk Water Project.
Suno kay EMB Negros Island Region Director, Vicente Losbañes, kun tigayon nga ma comply sang Negros Occidental ang mga requirements, sarang sila nga mahatagan sang Environmental Compliance Certificate para sa proyekto nga naga target maka kuha sang 20 million liters per day.
Ginsiling ni Losbañes kabahin sa inug submit sang probinsya para sa proyekto nga ipahamtang sa Imbang-Hinalinan River sa Brgy Guimbalaon sa Silay City ang zoning clearance, proof of authority and documents para sa ila nga application sa ECC.
Suno kay Losbañes ang probinsya mismo ang nakapatigayon sang pagtuon angut sa environmental concerns. Ang mga isyu angut sa palibot amo ang ginatudlo sang mga opisyales sang siudad rason sa ila nga pag pamalabag sa pag hatag sang resolution of no objection para sa proyekto damlag pa.
Labing ginatumod nila ang posibilidad nga kulangon ang supply sang tubig para sa mga pumuluyo sang Silay kun himuon pa gid nga water source ang Imbang sang bulk water project.
“Ang sa side ni EMB kun ma kumpleto nila ang mga documents nga gina require sang EMB ma proceed naton ang ila nga ECC. So ang iban nga requirements like sa ila nga water permit
sa NWRB, daw amo na man lang na ang gina-secure nila subong. I think ang zoning sa LGU Silay. Ang gina pamangkot man lang nila didto kun may scarcity sang water kun enkaso ma approve ila permit. May ara man sila nga study. Didto ta nag-refer sa study kay ang
study I think gin conduct sang province man. (na allay ang fears nila ?) Na sabat nila”, suno kay Losbañes.
Gin patigayon man ang bag-o nga public consultation suno kay Mayor Joedith Gallego, wala sang pag bag-o sa ila nga panindugan sa proyekto magluwas na lamang kun gusto sang probinsya isaylo ini sa Malogo River.
“Gina patan-aw to gani sa ila actual para
makita nila kun ano ang sitwasyon sang
tubig subong, sa naga propose sang bulk
water. Ang mga tawo didto ya baskog ang ila panindugan nga indi mag pasugot didto”, suno kay Gallego.