Liwat nga gin bisita kag gin inspect sang Sabado ni National Police Commission Region 6 director Atty Joseph Celis ang EB Magalona PNP duha ka semana matapos sang iya pag bisita diri nga iya naabtan tulog ang mga pulis kag mahigko kag pangsot pa ang palibot.
Gindayaw ni Celis ang pag improve sang police station sa sulod sang duha ka semana kaangay na lang sang pag pakay-o sang atup kag kisame, pag repaint sang dingding, kag pati na ang pag tinlo sang iya sadto ginsiling mapangsot nga banyo.
Iya man naabtan nga present ang tanan nga duty personnel.
Si Police Captain Eric Doronilla amo karon ang nag pamuno sang EB Magalona PNP matapos niya gin buslan ang damlag pa gin relieve nga hepe sang police station nga si Lieutenant JOhn Paul Tabujara.
Nag hatag naman sang ila nga explanation ang mga pulis nga naabtan sadto ni Celis nga nagakatulog kag ini ang gina imbestigaran na karon sang PNP.