Gin kumpirma ni Police Lieutenant Abegael Donasco, spokesperson sang Negros Occidental Police Provincial Office nga gin relieve na bilang hepe sang EB Magalona PNP si Police Lieutenant John Paul Tabujara matapos maabtan kagab-i sang Regional Director sang NAPOLCOM nga si Atty. Joseph Celis nga nagakatulog ang mga pulis nga on duty sa police station kag higko pa ang palibot.
Si Tabujara ang karon yara na sa Personnel Holding and Accounting Unit sang NOCPPO kag siya ang ginbuslan ni Police Captain Eric Doronilla.
Pasabton man suno kay Donasco ang mga pulis on duty nga naabtan ni Celis nga nagakatulog.
Gina pahanumdom ni Donasco ang kapulisan sa probinsya nga mangin alerto kag indi mag tulog kun naga trabaho pati na ang pagpabilin sang katinlo sa police station nga masami gina kadtuan sang mga pumuluyo.