Sa live video ni Cayang Wild makita nga gin atake siya sang sini nga babaye nga ginkilala kay Josefa Damasco nga gina siling taga Victorias City, Negros Occidental.
Naghapit siya sa store ni Cayang kag nagpa cash in.
Ginkuha niya ang cellphone gikan sa misis ni Cayang kag gin uninstall ang G-cash nga application.
Pagbalik install nakibot na lang ang biktima nga naubos na ang unod nga 24,900 pesos sang e-wallet.
Ginsaylo na ini sang gina alegar scammer sa iya nga account.
Gani ginpatawgan na siya sang pulis kag gin usisa.
May mga netizens naman nga nag komento nga ini man siya ang babaye nga nagbiktima sa ila.
Gina siling nga nadakpan na siya sa Iloilo pero naka piyansa.
May mga taga Bacolod man nga nag alegar nga biktima niya man.
Sa update nga ginhatag ni Cayang, iya ginsiling nga tigayon nga nabalik sang babaye ang 24,900 pesos nga kwarta sa e wallet sang iya nga misis.