Ginmando ni Presidente Rodrigo Duterte nga ipauntat ang operation sang e-sabong subong nga adlaw.
Sa pre recorded nga Talk to the People sang presidente iya ginsiling nga iya gin aprubahan ang rekomendasyon sang Department of the Interior and Local Government nga ipauntat ang e-sabong ukon ang online nga bulang.
Dugang pa sang presidente nga dapat mauntat na ini subong nga gab-i pero iya man gina tugyan sa kay DILG Secretary Eduardo Ano pag desisyon kun kutob na lang san-o ang operation sini.
Damlag pa nagpatigayon sangh senate hearing tuhoy sa mga 31 ka missing nga mga persona bangud sang e-sabong. Una nga gin siling sang presidente nga indi niya mapa untat ini kay may permit gikan sa PAGCOR kag binilyon nga tax ang nagaka kuha sang gobyerno gikan diri. Pero kaina nag lain na ang iya nga desisyon.
Ang Negros Occidental ang isa sa mga probinsya nga may operation sang e-sabong. Isa man ka dako nga industriya sang probinsya ang inug bulang nga mga manok.