Isa ang Bacolod City sa nakigbahin World Smart City Expo (WSCE) 2022 sa Ilsan, South Korea.
Si Councilor Celia Flor nga amo ang nagtiglawas sa Knowledge Exchange Program sang World Bank, nagsiling nga kasubong sang mga natukod nga smart city sa South Korea may dako man nga potential ang Bacolod para mangin isa ka smart city.
Ang smart city isa ka technological modern urban area nga naga gamit sang electronic method kag sensors sa pag collect sang mga data, mga impormasyon nga amo ang gina gamit man sa pagdumala sang assets, resources and services sang isa ka local government unit.
Ini agud mas mapalab ot ang effective kag efficient nga serbisyo sa pumuluyo.
Upod sa tuyo ni Mayor Albee Benitez ginaduso man ni Flor nga masuguran ang pagpatuman sang e-governance sa mga ctiy department kasubong sang sa Office of the Building Official.
Nagapati ang konsehala nga pinaagi man sa e governance mapaiway man ang korapsyon kag mas mapadasig pa ang serbisyo sang siudad sa publiko.