Ginasuguran na karon sang Bacolod LGU ang efficiency review sa mga job order workers sa tanan nga mga departamento.
Ini may angut man sa plano sang siudad nga buhinan ang duty hours sang pila ka mga JOs sa tuyo nga makakinot sang pondo.
Suno kay City administrator Pacifico Maghari III sarang ipatuman ang pagpalip-ot sang duty hours sini nga bulan.
Ang katapo sang Sectoral Affairs Office amo karon ang nagapatigayon sang review kag assessment sa performance sang malapit 3,000 ka mga JOs sa siudad.