May kabilugan nga 35,000 square meters sang duta para tukuran sang duha ka mga TESDA Regional Training and Innovation Center para sa Negros Island Region ang gin-donate.
Sang Sabado ginpatigayon ang ceremonial signing sang deed of donation sa tunga sang TESDA nga gintiglawas ni director general, Secretary Francisco “Kiko” Benitez kag sang mga land donors.
Ang Symbiosis Management and Development Corporation nga gin tiglawas sang President, Antonio Montinola ang nag-donate sang 10,000 square meter nga duta sa Matab-ang sa Talisay City kag ang Benetterra Consolidated Corporation nga gintiglwas sang Presidente, Raoul Benedicto, ang nag donate sang mga 25,000 square meters sa Victorias City.
Suno kay Benitez ang pag patukod sang facilites diri ang nagahulat sang dugang nga approved nga pondo gikan sa Asian Development Bank.
Target nga maka train sang mga 5,000 ka estudyante diri sa kada tuig. Ang mga facilities ang maga serbe nga training, research, innovation and start-up hub para sa mga learners nga maga enroll. Ini ang maga serbe man nga demo and partner facility sa iban nga TTI kag TVI sa area.
Importante ang skills training sa sini nga panahon suno kay Benitez bangud ang job market nangin skills-based na.
Sa halos 1.7 million nga mga Pilipino nga naga paidalom sa Technical Vocational Education and Training ukon TVET system sa pungsod, 40 percent ang mga college graduates suno kay Benitez.
Naga balik sila sa TESDA bangud indi lamang ang gina pangita sa ila ang ila qualification kundi ang skills.
Sa pihak nga bahin sang Sabado, ginkilala man sang TESDA ang ila nga mga partners nga nag register sa ila nga Enterprise based Education and Training and Microcredential Programs.
Ini amo ang Homeworld Construction, Florentina Realty and Development Bacolod Corp., Telephilippines Inc, Panasiatic Call Centers Inc kag ang Negros Occidental Language angd Information and Technology Center.