Malapit isa na ka semana nga wala sang aktibo nga kaso sang Covid-19 ang siyudad sang Dumaguete ini base sa datos sang Inter Agency Task Force sang siyudad.
Suno sa IATF, ang tanan nga 30 ka mga barangay sa Dumaguete ang ila gina kabig na nga Covid-19 free.
Isa sa gina tan-aw rason suno sa iatf amo ang vaccination rate sa siyudad. Ang Dumaguete City ang yara na karon sa masrobra 140% ang vaccination rate kag ini amo ang may highest sa Central Visayas.
Humalin sa pag sugod sang pandemic, nag lab-ot sa 5,805 ang kaso sang Covid-19 sa siyudad kag 166 ang Covid-19 deaths.
Samtang, sa latest data naman sang provincial IATF, yara na lang karon sa 13 ang active cases sang Covid-19 sa bug-os nga Negros Oriental.