Dumaguete City ginpapanaog na sa alert level 1, iban pa nga mga lugar sa Negros Oriental nagapabilin sa alert level 2.
Ginpapanaog na sa level 1 ang alert status ang Dumaguete City sa Negros Oriental sumugod subong nga adlaw tubtob sa Abril 15.
Ini naga kahulugan nga mas halog na ang restrictions karon sa siyudad kag sarang naman nga mag balik sa face to face classes ang pila ka mga eskwelahan.
Sa latest nga data sang Dumaguete City Health Office, 2 na lang ang active cases sang Covid-19 sa siyudad kag pila naman ka adlaw nga wala sang dugang nga kaso sa Dumaguete.
Samtang, naga pabilin naman sa alert level 2 ang bug-os nga Negros Oriental bisan pa nag panaog naman ang kaso. 22 na lang man sa karon ang active cases sa Negros Oriental apang manubo pa ang vaccination rate.
Yara pa lang sa masobra 50% ang fully vaccinated sa Negros Oriental gani isa man ini sa ginatan-aw sang probinsya nga rason nga wala pa mag panaog ang ila nga alert level.
Padayon man ang pag panawagan sang provincial IATF sa publiko nga mag pabakuna.