Duha ka mga complaint affidavit angut sa gina alegar vote buying ang nabaton sang Commission on Elections.
Una diri ang complaint affidavit batuk sa nagdaog nga punong barangay sa Bago City angut sa gina alegar vote buying ang nabaton sang talatapan sang COMELEC.
Ini suno kay COMELEC – Negros Occidental Supervisor, Ian Lee Ananoria nga naga pungko man bilang OIC sang COMELEC – Bago City.
Suno kay Ananoria ang complaint affidavit angut sa alegasyon sang vote buying ang iya na nga napadala sa COMELEC Law Department kaina.
Magluwas sa sini nga affidavit complaint may napadangat man nga reklamo sang vote buying gikan sa banwa sang San Enrique batuk sa nag papili punong barangay.
Suno kay Ananoria, magluwas sining duha lipod na sa iya nga ihibalo kun may napadangat naman rekta sa COMELEC Law Department angut sa alegasyon sang vote buying.
Madamo sang reklamo sang vote buying sang tinalikdan nga eleksyon pero suno kay Ananoria mas labing gina haylo ang pag-file sang complaint affidavit.
Kun mapamatud-an, ang vote buying isa ka election offense kag sarang nga mangin basehan sang pag disqualify sa gina-reklamo.