Ginkumpirma sang Department of Health – Negros Island Region nga duha ka mga residente sang Siquijor nga na-igo sang glanders disease ang napatay.
Ginsiling ni Dr Nikka Hao ang Regional Director nga ang duha ka lalaki nga napatay ang kabahin sa anum ka mga pasyente gikan sa Siquijor nga ginbulong sa Dumaguete City bangud sang confirmed glanders disease.
Dugang pa ni Hao, ang duha nga napatay ang may yara sang comorbidities nga nagalakip sang hypertension kag diabetes.
Sa karon sila ang naga patigayon sang contact tracing sa probinsya.
Ang importante sa glanders disease suno sa iya nga temprano pa ma detect agud gilayon nga madapatan sang bulong.
“Two of them died. Based on the different history meron din po kasing comorbidities yung mga kaso po na ito. And yun nga po, ang importante kasi sa glanders is early treatment and early detection”, suno kay Hao.
Anum sa karon ang laboratory confirmed glanders cases sa Siquijor pero gina patuman ang contact tracing kasubong man ang assessment sa mga yadtong persona nga na expose sa mga naga masakit nga sapat.
May samples na nga napadala sa Research Institute for Tropical Medicine para sa validation.
Damlag pa ginsiling ni Governor Jake Vincent Villa nga apesar sang glanders disease naga pabilin nga safe ang lugar para sa pumuluyo sini kag sa mga turista.
Ang glanders disease balatian sa kasapatan tuga sang bacteria. Sarang malatnan ang tawo. Makuha ini sa direct contact sa nagamasakit nga sapat.