Duha ka mga persona ang pilason matapos nga ginpangtiro sa isa ka motorshop sa Angatan, Brgy Tabuc Tubig, Dumaguete City, Negros Oriental kahapon sang kaagahon. Ginkilala ang mga biktima nga sanday Sherwin Visitation kag ang iya helper sa shop nga si Joemar Ablao Templo.
Naga inum sang softdrinks sa shop ang mga biktima sang hinali na lang sila nga ginpang tiro sang duha ka mga suspek nga naga sakay sa motorsiklo. Si Sherwin may igo sang bala sa ulo samtang sa butkon naman ang igo ni Joemar.
Kaina nadakpan na sang Dumaguete City PNP ang duha ka mga suspek nga si alias Erbesto kag alias May kag yara sila sa custody sang PNP.
Suno sa kay Police Lt. Col. Ronoel Fungo, hepe sang Dimaguete City PNP, may kaangtanan sa iligal nga droga ang natabo nga pagpaniro kag ang target sang suspek amo si Sherwin kag nadalahig lang ang iya nga helper.