Shadow

Duha patay sa separado nga kaso sang pagpabnglabo kag pag gulgol

Calatrava PNP photo

Patay ang 34 anyos nga si Dante Anog matapos gulgulan sang iya abyan kag upod sa inom sa Barangay Marcelo sa Calatrava sang Dominggo.

Sa imbestigasyon sang PNP, naga inom lang ang biktima kag ang suspek nga si Samuel Dinglasan sang gilayon na lang gulgulan sang suspek si anog gamit ang espading.

Suno kay Major Rollie Pondevilla, hepe sang Calatrava PNP, ang suspek nag siling nga iya na lang gin unahan ang biktima bangud sa tuman na ini ka hubog kag plano sini nga patyon siya.

Samtang sang amo man nga gab-i, patay naman ang 49 anyos nga si Ronilo Canillo matapos labuon sang sa Barangay Cabahug sa siudad sang Cadiz.

Suno sa pulis, ang biktima ang nag katdo sa balay sang iya ka relasyon nga may ara man sang bana kag suno sa pulis posible ang bana sang babayi amo ang nag labo sa biktima.

Padayon pa nga ginapangita sang PNP ang suspek.

Leave a Reply

Your email address will not be published. Required fields are marked *

Secured By miniOrangeSecured By miniOrange