Duha ka persona ang patay kagab-i kag kaina sang kaagahon makuryente.
Malapit las 10 sang kagab-i, ginkakibot sang mga nagabantay sa isa ka inasalan sa atubang sang Bacolod Government Center ang pagkahulog sang isa ka bata halin sa babaw.
Sa imbestigasyon sang PNP, ang 12 anyos nga si Ace Perez ang nagsaka sa atup sang Hi Strip building sa atubang sang BGC upod sang iya pa mga abyan sang hinali naka kapot si Perez sa mainline sang kuryente kag siya nahulog humalin sa atup.
Gindala pa sa ospital si Perez pero wala na siya matabangan.
Suno sa pulis, posible kagab-i man natabo ang pagka kuryente sang construction worker nga si Marjune Abreo.
Kaina sang aga na lang siya nasapwan nga patay sa construction site sang sang isa ka hardware sa Pusok Isla sa Barangay Villamonte.
Sandig sa imbestigasyon, pakadto sa ila nga barracks si Abreo kag siya ang naglaktod sa kilid sang construction site.
Naka uyat suno sa pulis sa GI pipe eletrical post ang biktima kag siya ang nakuryente nga nag resulta sa iya kamatayon.