Ang pagpatuman sang training program para sa mga call center applicants kaupod sa mga unibersidad kag kolehiyo amo karon ang ginatagaan atensyon ni Frances Mae Llamas bilang bag-o nga Public Employment Services Office Manager sang siudad.
Ginpahayag ni Llamas nga kabahin ini sa mga tikang agud madamo pa ang matagaan sang opportunidad sa trabaho ilabi na nga may duha pa ka Business Process Outsourcing firm nga maga-locate sa siudad sa madasun nga tuig.
May 14 na ka mga BPO firms sa Bacolod kun diin employed ang masobra 30,000 ka mga call center workers.
Si Llamas ang nagaserbe man bilang pamuno sang Department of Local Economic Development and Investment Promotion.
Plano niya man nga ma-review ang scholarship program sa PESO agud madugangan pa ang mga student beneficiaries para sa scholarship program kag sang ginaplano nga study now, pay later program.