Sangguniang Panlungsod sang Bacolod ang nakabaton na sang sabat gikan kay Bacolod Congressman Greg Gasataya angut sa status sang hagna nga nagatuyo sa pagtunga sang siudad sa duha ka distrito.
Ginpahayag ni Bacolod Councilor Al Victor Espino nga nabaton na sang SP ang sabat ni Gasataya sa nangin resolusyon sang konseho nga nagahibalo kun ano na ang status sang hagna.
May duha karon ka mga hagna nga gin file sa kamara de representante angut sa pagtunga sang Bacolod.
Ang isa ang iya ni Gasataya kag ang isa naman ang iya ni Abang-Lingkod partylist Representative Stephen Paduano.
Yara ini karon sa committee on local government kag kinahanglan sang panibag-o nga resolusyon gikan sa sp nga naga suporta sa hagna.
Suno kay Espino, natalana nila nga paga isturyahan sa ila session ang estado sang amo nga hagna kag kun bala luyag nila liwat magpagwa sang resolusyon para i-endorso ini.
Nangin kontrobersyal ang pagtuhaw liwat sang isyu angut sa pagtunga sang Bacolod sa duha ka distrito antes ang eleksyon sa madason nga tuig.
Pero ginsiling ni Espino nga wala sang iban pa nga tinutuyo ang iya pagduso sang hagna kundi para mahatagan sang mas daku nga budget ang bacolod para sa ikasanyug sini.