Gutom na ang mga pamilya sang drayber sang tradisyunal jeepney, gani sa baylo nga magbyahe aga pa sila nga nag tipon sa atubang sang Bacolod City Government Center.
Sa dialog upod nanday Vice Mayor El Cid Familiaran, pamuno sang LTO kag BTAO, ginpalab ot man sang katapo sang transport sector ang ila kabudlayan sa ginapatuman nga transport modernization program sang national government.
Makaligad man sang Zoom meeting upod kay Mayor Albee Benitez, gin anunsyo ni Familiaran nga wala anay sang dakpanay sa mga tradisyunal jeep sa sulod sang duha ka semana.
Gin abi abi naman ini sang mga lideres sang transport group bisan kadam an sa ila ang indi pabor nga magtukod pa sang korporasyon para matigayon nga matagaan sila sang provisional authority sang Land Transportation Franchising and Regulatory Board.
Ang transport group ang nangayo man sang pasaylo sa mga pasahero nga nahul an humalin sang Lunes.
Pero sugod bwas ginapaabot nga magabalik sila sa pagbyahe kag pagserbe sa mga pasahero sa siudad.