Patay ang 18 anyos nga si Ariel Guarin pati na ang iya angkas nga 12 anyos nga lalaki matapos maka bunggo ang ila motor sa panel van sang Martes sa highway sang Barangay Quezon sa siudad sang San Carlos.
Pilason man ang ila isa pa ka upod nga 15 anyos nga lalaki.
Suno sa PNP, madasig ang pagdalagan ni Guarin sang motorsiklo kag sang naga panaog na sa kurbada nga bahin sang dalan, iya na lang nabungguan ang sugata nga panel van nga naga pataklad.
Naglabog sila nga amo ang gintunaan sa kamatayon sang driver kag sang upod nga menor de edad.
Padayon naman nga ginabulong karon ang ila upod nga 15 anyos.