Nakilala na ang mga rebelde nga napatay sa engkwentro batuk sa militar sa Sitio Cambaga, Brgy. Yao-yao banwa sang Cauayan sang Miyerkules.
Suno sa army, ginkilala ang isa sa mga napatay nga si Jovy Moreño, 28-anyos kag residente sang Brgy. Agboy banwa sang Candoni.
Ginkilala siya sang iya nga amay kag ini ang ginapatihan nga na missing kag nag-upod sa hublag.
Ang isa naman amo si Warren Briones Cadarin, alias Omar sang Sitio Barasbarasan, Barangay Manlucahoc, Sipalay City. Ginkilala naman siya sang iya nga utod.
Lunsay mga katapo sang Platoon 3 sang Southwest Front of the Komiteng Rehiyon – Negros, Cebu, Bohol, Siquijor sang NPA suno sa militar. Sa karon padayon pa nga gina usisa kun may yara sila sang pending warrant of arrest.