Dead on arrival sa San Carlos City Hospital ang 59-anyos nga driver matapos mabungguan ang ginamaneho niya nga motorsiklo sang isa pa gid ka motorsiklo sa national highway nga sakop sang Hacienda Socorro, Baragay Punao sa siudad sang San Carlos sang Martes.
Nagamaneho ang biktima nga si Wilfredo Beating sang iya motorsiklo gikan sur padulong norte nga direksyon kag hana kuntani nga magliko patuo, apang siya ang nabungguan sang isa pa gid ka motorsiklo, nga gina-drive sang isa ka estudyante kag angkas sini ang 11 anyos nga lalaki.
Pilason ang 20-anyos nga estudyante, pati na ang menor de edad nga angkas niya.
Sila ang gindala man sa ospital.