May duha ka mga weather disturbances nga gina monitor subong ang PAGASA. Isa diri ang yara sa eastern portion sang Luzon.
Naga giho ini pasaka kag nagapalayo sa Pilipinas pero mahimo nga pabaskugon sini nga ulan dala sang habagat.
Mahimo sini nga weekend mag develop ini sa low pressure area sa sulod sang Philippine Area of Responsibility.
Kun mangin bagyo ang ini nga weather disturbance tawgon siya nga Bagyo nga si Ferdie.
Halin naman sa weekend tubtob Lunes posible naman nga magdevelop sa isa ka low pressure area ang weather disturbance sa idalom sang Guam nga naga giho palapit sa Pilipinas.
Sumugod Miyerkules maga sulod ini Philippine Area of Responsibility kag mangin isa ka bagyo.
Pagatawgon naman ini nga si Gener.
Gamay ang tsansa nga mag landfall ini sa Pilipinas pero sa kalaparon sini, magadala ini sang ulan kag pabaskugon sini ang hangin habagat.
Posible man suno sa PAGASA nga magkambyo ang alagayn sang sini nga mga potensyal nga mga bagyo gani padayon ini nga gina monitor.