2 ka mga posisyon sa brgy kagawad sa separado nga barangay sa Bacolod wala sang substitute.
Indi pa makabig nga permanent vacant ang posisyon sang nabilanggo nga si Barangay Alijis Kagawad Abby Araneta ini tubtob nga siya ang mapamatbatan sang korte sa kaso angut sa pagsupak sang Republic Act 9165 ukon ang Comprehensive Dangerous Drugs Act of 2002.
Suno kay DILG Bacolod Head Maredith Joy Madayag, indi pa sarang maislan si Araneta samtang wala pa ang desisyon sang korte.
Pero wala man sang mabaton nga honoraria kag iban pa nga benepisyo ang kagawad samtang yara pa sa bilangguan.
Sa Barangay Mandalagan, magapabilin man nga bakante ang posisyon nga ginhalinan sang karon Punong Barangay nga si Paul Anieve.
Si Anieve amo ang nagbulos sa nagtaliwan nga si Punong Barangay Arturo Parreno.
Suno kay Madayag kinahanglan pa mag convene ang barangay council para magpili sang magatal us sa nabakante nga posisyon.