Duha ka mga ospital sang probinsya ang may mga bag-o nga mga pamuno.
Si Dr Jean Alojado nga gikan sa Teresita Lopez Jalandoni Provincial Hospital sa Silay City sa karon ang gin-install bilang OIC-Chief of Hospital sang Governor Valeriano Gatuslao Memorial District Hospital sa Himamaylan City.
Ini suno kay Provincial Administrator Rayfrando Diaz nga amo man ang naga pamuno sa karon sang Hospital Operation Services sang Provincial Health Office.
Gin-install man suno kay Diaz si Dr Lalaine Teorima nga gikan sa Hinoba-an District Hospital bilang bag-o nga chief of Hospital sang Lorenzo Zayco District Hospital sa Kabankalan.
Si Dr Alan Ramos naman nga ginbuslan ni Alojado ang maga pamuno sang Training Program sa surgery sa Silay Provincial Hospital. Suno kay Diaz kabahin ini sa kinahanglan sang TLJPH para sa accreditation sini nga mangin tertiary hospital.
Si Dr Myre Parpa naman nga gikan sa Kabankalan District Hospital ang mangin in-charge sang Merceditas Montilla District Hospital sa Sipalay bilang pag panghanda man sa pag turn-over sang ospital sa Corazon Locsin Montelibano Memorial Regional Hospital.
Gina paabot ang pag operate sang CLMMRH sang amo nga pasilidad sa katapusan sang tuig para sa ipahamtang nga mental facility with emergency hospital suno kay Diaz.
“Upgrade na gid ni ya nga para ang tanan-tanan ta nga specialista kag mga doctor will be assigned diri sa Teresita Jalandoni to help in the accrediation process para maka pasar kita sa accreditation. Other doctors nga gin assign ta willing naman sila nga mag step up and mag bulig in terms of head of office or chief of hospital for the other district hospitals”, suno kay Diaz.
[sibwp_form id=1]