Duha ka mga mountain resort sa Brgy Mailum sa siudad sang Bago ang gin-isyuhan sang Notice of Violation sang Environmental Management Bureau sini lamang.
Ginkumpirma ni OIC Regional Director sang EMB – Negros Island Region Vicente Losbañes sa interview sang media nga ila napapanaugan sang notice of violation ang Mailum Falls Dreamland Resort kag ang Balaan Hills Ecopark Project.
Suno kay Losbañes sa bahin sang Mailum Falls Dreamland Resort may yara na nga na issue nga Environmental Compliance Certificate sa ila sadtong 2013.
Ugaling nag-expand ini kag wala nasakop sa damlag pa ECC nga na issue.
Nag hinyo ang kumbuyahan sang amendment sa ECC pero wala pa nag abot ang amo nga request nagpatuman na sila sang earth moving activities kag subong man infrastructure rason nga gin-isuyuhan sila sang notice of violation kag stoppage order.
Nag pakig angut ang Digicast Negros sa Mailum Falls Dreamland Resort para sa ila nga bahin kag suno sa Managing Head iya nga ipatuhoy ini sa Management.
“Kay Mailum naka issue kami sang ECC, 2013. Nag expand sila sini, wala madala sa daan nga ECC that’s why nag request sila for amendment sa ECC, so ongoing naman ang process sang ECC nila. May earthmoving actitivities sila and then infrastructure, nga waay madala didto sa old ECC nila that’s why gina require naton sila sang amendment sang ila ECC, so kay wala pa ang amendment sa ECC nila nag undergo na sila sang activities”, suno kay Losbañes.
Samtang, sa bahin sang Balaan Hills Ecopark Project, suno kay Losbañes, wala pa sang ECC nga na-issue para sa ila pero sila ang nag proceed sa ila nga infrastructure activities.
Suno kay Losbañes sila ang nag-operate nga wala sang ECC rason nga ginpapanaugan sang notice of violation kag stoppage order.
“Ang sa Balaan, nag issue kita sang notice of violation and stoppage order naman tungod nga wala pa sila sang ECC, nga on process ang ila ECC so wala pa ma approve and then nag proceed sila sa infrastructure activities nila so nag issue kita notice of violation – operating without ECC, other permits like discharge permits and permit to operate sa ila genset”, suno kay Losbañes.
Samtang sa pahayag sang Balaan Hills Ecopark nag-file sila sang Jan 25, 2025 sang ECC sa EMB Region VI. Na settle naman nila ang administrative penalty sadtong August 15, 2024.
Tungod nga pending ang application padayon man ang pag comply sang Balaan Hills sa mga documentary requirements samtang naga hulat sang aksyon sang ahensya.
Dugang pa nila ang operation nila ginpatuman in good faith kag naga pati sila nga ang ila application napaidalom sa due process.
Wala sila sang tuyo sa pag bale wala sang environmental laws kag naga pasalig sang commitment sa pag upod trabaho sa DENR EMB.
“We remain committed to preserving the natural beauty of our community while creating a space that promotes ecological awareness, faith, and sustainable tourism. We look forward to continuing our collaboration with the DENR and other stakeholders to achieve these shared goals”, suno kay Leo Nikko Delfinado ang tag-iya.
Dugang pa ni Losbanes na endorse na nila sa alkalde sang Bago ang natungdan nga mga kaso para sa nagakaigo nga aksyon.