Duha ka mga lalaki nakuhaan sang shabu sa sulod sang motel.
Arestado ang duha ka mga lalaki matapos nakuhaan sang masobra sa P700,000 nga balor sang ginasuspetsuhan shabu sa drug buy-bust operation sa Imperial Court, Brgy 6, siudad sang Bacolod sang Sabado.
Ang mga naaresto amo sanday Christian Lachica, 22 anyos kag Jemmuel Lucanilao 23 anyos.
Suno kay P/Lt. Christopher Leonor, team leader sang PNP Drug Enforcement Group, Special Operations Unit 6, nakalab-ot sa ila ahensya ang impormasyon angut sa ilegal nga aktibidad sang duha kag naaktuhan pa sang police posuer buyer ang pagbaligya sang ilegal nga druga sa sulod sang motel.
Nakuha sa ila ang 107 grams sang suspected shabu nga naga balor sang P727,600.00
Detained ang mga suspek sa custodial facility sang Police Station 2.