Duha ka mga anay job order employees nga ginatudlo responsable sa pagproseso sang na-issue nga birth certificate sa Chinese National ang madugay nga napahalin sa trabaho.
Wala pa nasuguran sang Philippine Statistics Office ang pagpang-usisa angut sa nangin kwestionable nga birth certificate nga na-issue sa isa ka Chinese national sang nagligad nga semana, natigayon na nga napahalin ang duha ka mga anay job order employees sang Office of the Civil Registrar nga sadto ginatudlo responsable sa pagproseso sang dokumento.
Ginpahayag ni Civil Registrar Atty. Hermilo Pauyon nga 2019 sang ila ini matalupangdan. Gani iya ini gilayon nga gin-aksyunan, ginpa-usisa asta nga napahalin sadto sa trabaho ang duha ka mga JO.
Gin-ako ni Pauyon nga mahimo nalutsan sila kabangdanan nga naka-kuha sang birth certificate gikan sa iya opisina ang foreign national.
Dungan sa ginahimo karon nga imbestigasyon sang law department sang PSA ang pagpat-ud sang City Legal Office kun may salabton ang pamunuan sang Office of the Civil Registrar kag kun sin-o pa ang kinahanglan manabat sa insidente.
Damlag pa ginhinyo sang katapo sang Senado nga mausisa ang pag-issue sang birth certificate sa duha ka mga chinese national nga nag-apply para makakuha sang passport apang na-deny sang matalupangdan nga wala sila sang mahangpan nga linguahe sa pungsod.