Patay ang duha ka gina alegar katapo sang New People’s Army samtang isa naman ka suldado ang pilason sa separado nga enkwentro nga nag luntad sang Hwebes Santo.
Las singko sang aga sang abril 14 una nag luntad ang enkwentro sa tunga sang 94th Infantry Battalion kag npa sa Barangay Caradio-an sa Himamaylan.
Napatay sa enkwentro ang isa ka NPA nga ginkilala nga si Alyas Johnny. Nag agum man sang minor inury ang isa ka katapo sang army.
Las otso naman sang aga nag luntad ang isa pa ka enkwentro sang amo nga adlaw sa Barangay Enrique Villanueva banwa sang Sibulan sa Negros Oriental.
Kapin 12 ka mga armado nga rebelde amo ang na enkwentro sang 11th Infantry Battalion nga nag resulta sa kamtayon ni Jonard Salo nga gina alegar team leader sang South East Front sang NPA.
May mga armas man, granada, anti-personnel mines kag iban pa nga na recover sa separado nga encounter site.