Ginbaha sang kahapon ang Barangay Poblacion kag Barangay Man-uling sa banwa sang Cauayan nga nag tuga man sang temporaryo nga pag evacuate sang mga pumuluyo sa barangay.
Suno sa Disaster Risk Reduction Management Office sang banwa, ang masobra isa ka oras nga pag bubo sang makusog nga ulan kahapon amo ang nag tuga sang baha sa mga manubo nga bahin sang barangay.
Ginausisa pa sang DRRMO kun pila ka pamalay ang apektado sa baha kag ang balor sang halit nga gintuga sini.
Samtang, suno suno sa PAG-ASA, ang inter tropical convergence zone ukon ITCZ amo ang padayon nga nagadala sang pagulan sa Visayas pati na sa Negros. Gani paabuton sa gihapon ang pag ulan suno sa PAG-ASA ilabi na kun hapon.
May yara man sang na monitor ang pagasa nga duha ka tropical depression sa gwa sang Philippine Area of Responsibility. Apang ang isa diri ang nagapapalayo na sa PAR samtang ang isa naman ang gina forecast nga indi man mag sulod sa PAR.