Nasapwan kaina sang kaagahon ang isa ka lapsag sa kilid sang kampo sa Barangay Poblacion 2 sa siudad sang Sagay. Suno sa PNP, ang lapsag nga lalaki ang bag-o pa lang nabun-ag bangud yara pa ang iya sini umbilical cord.
Posible nga ang iya mismo iloy ang nagbilin sa iya suno sa pulis. Gilayon man nga gindala sa ospital ang lapsag nga karon yara naman sa maayo nga kahimtanagan suno sa pulis.
Samtang, isa man ka lapsag ang nasapwan kaina sang aga sa dumpsite sa Barangay Hilamonan sa syudad sang Kabankalan.
Apang, ang lapsag ang nasapwan nga wala na sang kabuhi.
Suno sa PNP, isa ka manugbasura ang nakakita sang bata sa garbage dumpsite.
Ang lapsag nga may yara pa sang umbilical cord ang naputos sa garbage bag.
Ginahibalo pa sang PNP kun sin-o ang nag haboy sang bata sa dumpsite.