Ginahulat na lang ni Mayor Albee Benitez ang resulta sang imbestigasyon angut sa binotohay para kuntani sa duha ka mga kandidato sa pagkakonsehal nga ila idugang sa line-up sang Asenso Bacolod.
Ini matapos nga wala nangin patas ang ginpatigayon nga pinili-ay sang may pila ka mga punong barangay ang wala nangin neutral sandig sa nakasugtan sa pagpatuman sang convention.
Ginpahayag ni Barangay Singcang-Airport Punong Barangay Caesar Distrito nga kabahin sa mga posible matabo kun ma-nullify ang resulta sang pinili-ay amo nga ang alkalde na lamang ang magapili sang duha ka mangin dugang nga kandidato sa pagka-konsehal.
May anum ka mga nominee, apat diri mga punong barangay nga nagpapili sa convention.
Pero suno kay Distrito sarang magpili si Mayor Albee sang kandidato nga wala nalakip sa mga nominee sang Team Asenso.