Nasunog ang exhaust sa kusina sang Chicken House sa dalan San Sebastian siudad sang Bacolod kagab-i. Suno sa mga empleyado sang kalan-an, las-7:50 natabo ang sunog. Wala na nagdako ang kalayo matapos nga gingamitan sang fire extinguisher.
May mga customer pa sa sa kalan-an sang nagluntad ang sunog. Gilayon naman nga nag-abot ang mga bombero kag napalong ang kalayo. Nagdangat sa 10,000 ang halit sang sunog.
Sang Lunes nasunog man ang Shopping Branch sang Chicken House sa Barangay Villamonte, gilayon man nga na respondehan sang mga bombero ang lugar gani wala na magdako pa ang kalayo.