Madasig nga ginlamon sang kalayo ang duha ka mga balay sa Brgy Caliling, banwa sang Cauayan, Biyernes sang gab-i.
Bangud malayo pa sa lugar ang fire station sang banwa, nagbinuligay lang anay ang mga residente sa pagpalong sang kalayo. Maswerte naman nga wala sang may nasamaran sa sunog.
Padayon pa nga ginahibalo kun ano ang ginhalinan sang sunog kasubong man ang halit sang ginbilin sini.