Duha ka anum ka tuig nga kabataan nga babaye ang pinaka ulihi nga na record napatay bangud sang dengue sa siudad sang Bacolod.
Sa report sang Bacolod City Epidemiological Surveillance Unit, ang isa ka anum ka tuig nga bata nga babaye nga napatay sa dengue ang gikan sa Barangay Taculing, kag ang isa naman ang gikan sa Barangay 8.
Suno sa CESU sa patient death, ila nakit-an nga ulihi na ang pagpakonsulta sang mga ini. Padayon ang paghaylo sang City Health Office nga sa mga nakitaan sang flu like symptoms dapat nga magpakonsulta sa ika duha nga adlaw sang paghilanat. Dapat magpabilin man nga hydrated.
Humalin Enero 12 na ang na-record dengue deaths sa Bacolod kag 831 naman ang total dengue cases.
May dose naman ka mga barangay ang may clustering of cases ukon may na record tatlo ka dengue cases ukon masobra pa sa sulod sang apat ka sunod sunod nga semana.