Gin pangabay ni Councilor Celia Flor sa Department of Social Welfare and Development nga dugangan ang mga benepisyaryo sang national social pension para sa mga senior citizen sa Bacolod City.
Sa pahayag ni Flor, nakaistorya na sya kay DSWD Secretary Rex Gatchalian sa isa ka event kag ginpahayag niya ang kinahanglanon sang siudad nga madugangan ang mga benepisyaryo sang social pension nga ginpundohan sang national government.
Ang Bacolod, may kapin sa 50,000 ka mga senior citizen nga nagabaton sang national social pension nga nagabalor 1,000 pesos kada bulan ukon 12,000 pesos kada tuig.
Samtang nagapadayon ang payout sang local social pension program nga gin pondohan sang lokal nga gobyerno kag nagahatag sang 500 pesos kada bulan.
Nagalaum si Flor nga pinaagi sa iya pangabay, mas madamo pa nga senior citizen ang makabenepisyo sang national social pension.*