Shadow

Dugang pa gid nga mga kandidato nag-file sang COC

Padayon ang filing sang Certificates of Candidacy sa nagkalain lain nga mga banwa kag siudad sang Negros Occidental.

Sa Himamaylan City, sa tunga sang pag ulan nag file ang grupo nanday Mayor Raymund Tongson kag Vice Mayor Justin Gatuslao sang ila nga COC sa Comelec – Himamaylan kaina sang aga.

Sa Kabankalan City naman, nag file man sang ila nga COC si Mayor Pedro Zayco kag iya nga
Vice Mayor nga si Raul Rivera kaina sang aga.

Sa provincial level, nag file naman sang iya nga COC si Board Member Sixto Guanzon, Jr., sang Second District. Siya ang katapo sang United Negros Alliance. Siya ang gintiglawas sang iya nga utod nga si retired Judge Frances Guanzon.

Sini nga hapon, nag file man sang iya nga COC para sa katapo sang Sangguniang Panlalawigan sa 5th District si Rolito ‘Boyet’ Espinosa. Siya ang katapo sang Lakas CMD.

Samtang, sa ika duha niya nga pagpadulong sa Comelec, nabaton na sang Comelec-Negros Occidental ang COC ni Jonry Gargarita sang Binalbagan nga sang Biernes una na kuntani nga nag file sang iya nga COC para sa pagka bise gobernador. Suno kay Atty Ian Lee Ananoria ang Comelec – Negros Occidental acting elections supervisor ila na nabaton ang COC sini nga hapon.

Secured By miniOrangeSecured By miniOrange