Shadow

Dugang pa gid nga mga bakuna nag abot

Janelle Dawn Belleza Aragona/Faye Barbasa photo

Dugang nga AstraZeneca, Pfizer kag Janssen vaccines ang nag-abot sa Bacolod kag probinsya sang Negros Occidental kaina sang aga.

1,870 ka vials ukon 18,700 ka dose sang AstraZenaca vaccine ang nag-abot sa Bacolod. 390 naman ka vials sang Pfizer ukon 2,340 ka dose kag 6,000 ka vials ukon 30,000 ka dose sang Janssen ukon ang iya sang Johson and Johnson’s ang nag-abot man para sa siudad.

Sa Negros Occidental, 290 ka vials sang AstraZeneca ukon 2,900 ka dose, kag 14,000 ka vials sang Janssen ukon 70,000 ka dose ang nag-abot. Ang mga nag-abot nga AstraZeneca ang kabahin na sang gin-order sang siudad kag probinsya.

Suno kay Negros Occidental Governor Eugenio Jose Lacson, gilayon nga iga rollout ang bakuna bilang kabahin sa pagpangapin sa mga pumuluyo ilabi na nga may delta variant na sa rehiyon.

Suno sa gobernador kun diutay lamang ang nag abot sa gin-order nga AstraZeneca mahimo nga may problema sa country of origin ukon ginhalinan sini kag gin prioritize ang ila nga lugar. 100,000 ka dose sang AstraZeneca vaccines ang gin-order sang Negros Occidental.

Suno kay Provincial Administrator Rayfrando Diaz, ang Janssen vaccine ang indi kasubong sa Pfizer vaccine nga nagakinahanglan sang ultra low temperature nga storage gani ini ang sarang nga ma pang dul-ong sa mga LGU.

Leave a Reply

Your email address will not be published. Required fields are marked *

Secured By miniOrangeSecured By miniOrange