Dugang nga mga traffic personnel italana sa Bacolod Public Plaza kag BCGC sa separado nga grand political rally.
Wala sang request for road closure ang kampo nanday Vice Mayor El Cid Familiaran para sa natalana nga grand rally sini nga hapon sa Bacolod Public Plaza. Gani ang Bacolod Traffic and Transportation Management Department ang magatalana na lang sang 20 ka mga traffic personnel sa downtown area agud mapahagan-hagan ang ginapaabot nga pag-gutok sang lakat sang trapiko. Ginsiling ni BTTMD deputy Jose Antonio Robello, kasubong man sini ang matabo sa grand rally nanday Mayor Albee Benitez sa Bacolod City Government Center sa Sabado. Ini bisan pa ginapaabot ang pagdagsa sang tawo dungan sa after party concert sang kilala nga TV host-comedian nga si Vice Ganda. Dugang ni Robello hugot sila nga maga-monitor sa kadamuon sang tawo agud mapat-ud ang pagpatuman sang road closures kun kinahanglan.