Sa report sang Provincial Health Office, as of September 30, duha ka suspected leptospirosis deaths ang nadugang sa probinsya.
Humalin Enero nagdangat na sa 17 ang suspected leptospirosis deaths sa Negros Occidental. 128 naman ang suspected leptospirosis cases.
Sa Bacolod City, as of September 23, nadugangan man sang isa ang suspected leptospirosis deaths kag ini ang nagdangat na sa 14 suspected leptospirosis deaths humalin sang Enero. 75 naman ang suspected cases.
Padayon ang kampanya sang matinlo nga palibot kag panugyan nga likawan ang pag ubog sa tubig baha.
Ang amo nga masakit mahimo makuha paagi sa pagkaon ukon pag inum sang yadtong mga na contaminate sang ihi ukon higku sang ilaga ukon sa pag-ubog man ukon pagtapak sa duta nga contaminated.