Naglapaw na sa sinko mil nga 5-11 year old ang nabakunahan sa mga gintalana nga vaccination center sang Bacolod Emergency Operations Center.
Amo nga ginpakamaayo sang EOC nga ipain ang nabilin nga supply sang bakuna para sa second dose sang mga kabataan nga nakabaton na sang first dose.
Suno kay Dr. Edwin Miraflor, officer in charge sang City Health Office, magahulat sila sang supply sang bakuna nga posible maga-abot sa second quarter ukon sa madasun pa nga binulan.
Amo nga tubtob karon temporaryo anay wala sang vaccination para sa mga magagmay nga kabataan.
Ginahaylo man sang EOC ang mga ginikanan nga magpa-register online agud matagaan sila sang priority sa tion nga mag-abot na ang dugang nga supply sang bakuna.