Dugang nga school facilities sa probinsya sarang makabulig sa pagpahagan-hagan sang problema sa educational gap sa pungsod makaligad ang pandemic.
Sa pihak sang ginapatuman nga distance learning humalin sang pandemic kag karon mga ginapatuman nga suspension of face- to- face classes tuga sang heat index, indi malipod nga naka-apekto ini sa pagtuon sang mga kabataan.
Dugang diri ang nagapabilin nga educational gap ilabi na sa bahin sang basic education sandig man sa mga pagtuon makaligad sang epekto sang Covid-19 pandemic.
Sa inagurasyon sang bag-o nga school facility sang STI-WNU sa Bacolod, ginsiling ni Governor Eugenio Jose Lacson nga mangin dako ini nga bulig kag bentaha sa pagpahagan-hagan sang mga ginapangatubang nga pagpanghangkat sa bahin sang educational globalization.
Ginalauman ni anay Education Secretary Jesli Lapus nga paagi sa dugang nga school facilities mabuhinan ang mga disbentaha sa bahin sang normal interaction sang mga kabataan.
Ginapaabot ni Lapus nga nagaserbe karon chairman sang STI Board of Trustees nga sa dalayon ma-normalize na hybrid education kag masolusyunan and educational gap sa pungsod.