Saka sa presyo sa kada kilo sang manok ang namutikan. Karon nga masako na ang tanan sa Paskwa presyo sang manok kag baboy ginapaabot magasaka pa gid sa masunod nga semana.
Suno kay OIC Provincial Veterinarian, Dr Placeda Lemana lima ka pesos ang saka sa presyo sang manok, sinentimos naman sa itlog kag halos wala man sang pag idog sa presyo sang baboy nga yara karon sa 240 tubtob 260 pesos ang kilo sa merkado.
Sa iban naman nga merkado suno kay Lemana yara ini sa 280 pesos ang kilo. Suno kay Lemana estable ang supply sang manok, indi ini apektado sa ban nga gina patuman angut sa bird flu cases kay gina tugot man ang pagsulod sang dressed chicken. Pero, kay nagataas ang demand dala sang holidays, gina paabot nga sa masunod nga semana magasaka ang presyo sang manok kag baboy.
May pagmahal man gani sa lechon nga karon naga bili na sang 7,000 to 8,000 pesos.
“Ang sa baboy, subong ang presyo wala pa nag minyar, pero gina ekspektar na namon nga next week mag Christmas na gid ya kag mag new year medyo mag taas-taas ni gamay”, suno kay Lemana.