Shadow

Dugang nga saka sa plete sa pampubliko nga salakyan ipatuman sa Oktubre 3

YouTube player

Nagalibod sang chicharon, tubig kag mani si Violeta Bataycan kada adlaw sa Bacolod City Government Center. Suno sa iya makaduha pa siya ka beses nga nagasakay sa jeep halin sa ila puluy-an sa Barangay 7, amo nga nabalaka siya sa tion nga ipatuman ang dugang nga piso kag otsenta sentimos sa regular nga onse pesos nga plete sa jeep.

Magluwas sa jeep, aprobado naman sang Land Transportation Franchising and Regulatory Board ang dugang nga duha ka piso kag beitne sentimos nga saka sa katrose pesos nga regular fare sa modernized jeep.

May piso kag otsenta sentimos man nga saka sa plete sa bus sa kada succeeding kilometers. May lima man ka pesos nga saka sa flag down rate sang taxi halin sa kwarenta pesos.

Suno kay Atty. Altura, spokesperson sang LTFRB 6, sarang lang makapatuman sang dugang nga saka sa plete ang mga pampubliko nga salakyan kun may natapik nga fare matrix sa ila mga ginabyahe nga salakyan.

Si Dondon Melmeda, drayber sang tradisyunal nga jeep, wala pa sang taripa pero nagapasalamat siya nga may dugang nga saka sa plete ilabi na nga nagasaka man ang presyo sang produkto petrolyo.

Secured By miniOrangeSecured By miniOrange