Nasuguran na sang City Engineer’s Office ang pagpa semento sang portion sang dalan pakadto sa landfill sa Barangay Felisa.
Pero suno kay Engr. Efraim Hechanova, magluwas sa P10 milyon nga pondo sa road concreting project kinahanglan pa ang P30 milyones pesos nga dugang nga pondo para matukod ang taytay kag mapasemento ang kapin 1.2 kilometers nga alagyan halin sa barangay proper pakadto sa landfill.
Nagligad lang nga sinemana sang na delay ang hakutay sang basura sa siudad sang maguba man ang alagyan sang mga dumptruck pakadto sa landfill tuga sang bagyo.
Ginalauman sang siudad nga mas mapadasig na ang hakutay sang basura kun mangin masulhay ang alagyan pakadto sa landfill.